«Заң мен Тәртіп» идеологиясын жүзеге асыру, құқық бұзушылықтың алдын алу және оқушылардың қауіпсіздігін қамтамасыз ету мақсатында «№ 17 негізгі орта мектебі» КММ-де учаскелік полиция инспекторы А.Қ. Балтабаевпен кездесу өтті.
Кездесуде талқыланған негізгі мәселелер:
-Жолдағы қауіпсіздік және кәмелетке толмағандардың көлік басқаруы: Жол қозғалысы ережелерін сақтау, сондай-ақ жүргізуші куәлігі жоқ кәмелетке толмағандарға мопедтерді, скутерлерді, электросамокаттарды және автокөліктерді басқаруға қатаң тыйым салынатыны және оның заңды жауапкершілігі түсіндірілді.
-Қоғамдық орындардағы және көшедегі қауіпсіздік: Көшеде өзін-өзі ұстау ережелері мен кешкі уақытта жарық қайтарғыш элементтерді пайдалану.
-Жауапкершілік пен құқықтық сауаттылық: Түнгі уақытта ата-ананың қарауынсыз үйден тыс жерде болмау ережелері және заң талаптарын сақтау.
Полиция инспекторы А.Қ. Балтабаев оқушылардың сұрақтарына жауап беріп, әрдайым заңды, тәртіпті және жол қауіпсіздігін қатаң сақтауға шақырды.
